Teaghlaigh / Households

Tigh Mhichael Mhóir Ó Conghaile

 Ginealas / Genealogy

Ginealas Mhichael Mhóir Ó Conghaile (.docx, 17KB)                                        


Lonnú / Occupants

1847  Anna Nic an Rí Uí Chonghaile a tháinig ar an tsráid seo thar ar  as an nGleann Mór ar an gCeathrú Rua. Tá sí tugtha síos sa bhfógra díolacháin a chuir an tiarna talún St George amach in 1853 ag iarraidh an baile fearainn a dhíol. Bhí sí ag íoc £4.7.6 cíosa leis.

1880 – Bhí ainm a mic Patch thíos leis an áit. Bhí sé pósta ag Máire Ní Iarnáin as Tír an Fhia.

1912- Bhí ainm mhac Phatch Pádraig thíos leis. Phós sé Sara Bhríd Mhic Hughie as na hUaimíní. 

1945 -Bhí an talamh ag Michael Mór Ó Conghaile. Bhí sé pósta ag Bríd Ní Fheilmára as an Trá Bháin.

Pictiúir / Photos

 



 

 

Amhráin/Sound

Bríd Nóra Mhéiní ag casadh Amhrán an Bháthadh 1976

 

https://soundcloud.com/user-560041562/maire-mhichael-mhoir?si=af21b1fd59b84c49b93e9159615bcc83&utm_source=clipboard&utm_medium=text&utm_campaign=social_sharing



Seanchas / Narrative

Anna Ní Con Rí Uí Chonghaile, baintreach Mhicil Mhurchadha as an nGleann Mór ar an gCeathrú Rua is túisce a tháinig ar an tsráid seo ar dtús go Caladh na Spéice, trasna ón teach seo. Deirfiúr léi Cáit Ní Con Rí a phós Seán Ó Catháin agus chuir an lánúin sin fúthu i dTír an Fhia sna 1860idí tar éis scaitheamh a chaitheamh i Meiriceá. Phós deirfiúr eile le Anna - Bríd - Páidín Stiofáin agus bhí an lánúin sin lonnaithe san áit a mbíodh Tigh Mháirtín Phádraig.

Bhí cúigear gasúr ag Anna ag teacht go Tír an Fhia - Máire a phós Paitín Aithnín as Leitir Mealláin agus a chuaigh go Minnesota lena gcúigear gasúr sna 1880aidí ar an free emigration– tá a sliocht fós i St Paul. Phós mac le Máire agus Paitín Aithnín - Michael - Nóra Ní Chonaire as Ros Muc i Minnesota. D’fhan iníon le Máire Anna agus Paitín Aithnín- Peig Aithnín - ina ndiaidh i gCeapaí Mhánais agus phós sí Eoghan as Leitir Mealláin - mac leo sin Micil Eoghain a bhfuil a sliocht féin fós ar an tsráid.

Phós iníon eile le Anna Ní Con Rí – Baba - Beairtle Con Rí. Maraíodh Baba sin go tubaisteach in1920 nuair a hionsaíodh í i dteach a hiníne (Cluanáin) ag fear a bhí ag iarraidh poitín. Iníon eile le Baba sin a bhí ag obair ag an Ath. Ó Gríofa i nGaillimh nuair a mharaigh na Black and Tans an sagart sin. Bhí iníon eile ag Baba ar an Titanic agus tháinig sí slán.

Phós iníon eile le Anna -Bríd - Colm Con Rí. Phós mac Anna -Beartla Anna - Máire Bhreathnach as Tír an Fhia agus tá an mhuintir sin fós ar an tsraid. Phós mac Anna - Patch - Máire Ní Iarnáin as Tír an Fhia. Duine de chlann Phatch agus Mháire Ní Iarnáin - Bríd - chuaigh sí go Boston agus phós sí Seáinín Mhaitéis Mhóir Ó Máille as Doirín Darach - sinseantuistí Jennifer Dillon O’Malley a stiúraigh feachtas Joe Biden chuig an Teach Bán. Chuaigh mac le Patch -Séamas - go Boston agus phós sé Nan Mhaitéis Mhóir Ó Máille, chuaigh mac eile le Patch - Tom - go Boston agus pós bean de chuid na nDíreánach as Árainn, chuaigh mac Phatch -Joe - go California agus chuaigh Máire, iníon le Patch- go California áit ar phós sí Matt Sheáin Bhreathnaigh, phós iníon eile le Patch -Nan - Faoláin as Ros a Mhíl, bhí mac eile ag Patch – Beartla – chaith sé seal i mBoston agus d’fhill sé abhaile go Ceapaí Mhánais ansin. Ba iad an bheirt ba shine sa teach ag Patch Anna agus Máire Ní Iarnáin an cúpla - Micil agus Pádraig. Báthadh Micil go tubaisteach 10 Samhain 1910 ag teacht as Árainn. D’fhág sé a bhaintreach Cití Phatch Uí Ghíofa agus mac trí mhí, Pat Rua – chuaigh Cité go Boston agus thug a mac anonn tar éis scaithimh . Ba é leathchúpla Mhicil Pádraig a d’fhan ar an ngabháltas. Phós sé Sara Bhríd Mhicil Hughie Seoige as na hUaimíní. Mac leo sin Michael Mór atá tugtha síos anseo sa teach in 1960.


Leave a message

An bhfuil eolas agat faoin gclann seo?

Roinn linn é!

Beidh lánrialú ar an suíomh ag Áine Ní Chonghaile mura dtagtar ar a mhalairt réiteach le pearsa/eagraíocht eile /
Áine Ní Chonghaile will have full control of the site unless a different agreement is made with another person/organisation.